Amancio Ortega dixo isto onte en A Coruña, nunha visita ás súas novas tendas dun centro comercial.
¿Igual ca ti?
¿Igual que as amas de casa que cosen para el? En Coruña, na Costa da Morte, en moitos lugares de Galicia... amas de casa cosen na casa sen ningún tipo de control laboral nin sindical, sen dereitos, con xornadas laborais de 7 da mañá ás 7 da tarde.
¿Igual que as nenas e mulleres do Sureste asiático e no Magreb? Máis de 60.000 mulleres e nenas están subcontratadas con xornadas laborais de 12 horas e son despedidas fulminantemente ao quedar embarazadas.
¿Igual que os nenos portugueses? Nenos entre 11 e 14 anos cosen zapatos a cambio de 20-30 euros ao mes. Por suposto cando se denunciou este feito o que era entón Ministro de Traballo do PSOE, Jesús Caldera, apurouse a dicir que non era crible (¿alguén ten dúbidas de a quen serve o PSOE?).
Numerosas denuncias desapareceron misteriosamente de Internet. En Arxentina a Fundación Alameda denunciou tamén recentemente a violación de dereitos humanos. En España denuncias por acoso laboral, coacción a traballadores, abusos de poder, ritmos de traballo salvaxes...
¿Amancio Ortega traballa igual que os milleiros de explotados por INDITEX ou vive a costa deles?
Amancio Ortega é o home máis rico de España... Xa sabemos a costa de que!!!
